انا حبيت
انا. حبيت
انا حبيت
لاء والغريب والاجمل ان انا عندي شعور اجمل. وهوا
ان انا. اتحبيت
يا صحابي وحبيبي
وانا هو هو نفس الشخص.
اللي ضاع عمري وماخدتش
ويا ما عطيت
وياما عطيت. سنين من عمري وهوايا. لحد اسبوعين فاتو. وكت احلامي واماني.سايبه البيت
وبغض النظر اللي فات وراح ومات. قبلت اميره هربانه
من الحكيات. بتقولي عشانك جيت
لا تعرفني ولا اعرفها.و لا بينا معاد ولما قلبي سمع
صوتها من اول كلمه فتح
بابو. ورب البيت
اقول لكو ايه.
دي كونتيسه وبرنسيسه. ومي ذياده بزياده
كنت بشفها زمان في احلامي
وفي الواقع
كانت اجمل وجاتني فوق منا اتمنيت
عشر ستات اتحطو في زهريه طلع منهم واحده
رقيقه وذوق رزينه وهيبه
وباصه ع الحياه من فوق ومايشبهاش ولا وحده
شجره زتون وقلبها طاهر
بكلمه صدق تملكها وبحنيه
تملالك قنديل الحياة بالزيت
طب اقولكم ايه
وانا قلبي يتيم اول مره يدوق فرحه هدوم العيد
ويشوف جمال جبر الخواطر لما قالتلي عشانك جيت
وكل كلام الحب اللي كتبتو قبلها باطل
وقلمي اللي كان شغلتو الاحزان ساب الشغل صبح عاطل
وقعد في البيت
ولاول مره اشوف ايامي
علي اسمي بعدما فيها شرفتي ونورتي وزي هلال العيد هليت
يا حمامه سلام نزلالي
من الجنه وبريشه فضه
وريشه دهب وعلي كتفي
بهدوء حطيت
شعور غريب واحساس اغرب. لاكنو جميل والاجمل
اني انا حبيت.
واجمل واجمل. اني بكل عيوبي وغبائي. اتحبيت
جيتيلي منين ردي عليا
قلتلي بحبك. وحبي ليك
من وانا بضفاير جوايا بحوش فيه
ولما قبلتلك مندمتش اني استنيت
سكت وتاه الحرف في لساني
بس عيوني ردو قالو. انتي نصيبي من الايام
مدت ايديها. تطلب عهد الوفا مني طبعت بوسه علي خدودها وقولتلو اعتبرني مضيت
لو هو ده الحب. يبقي انا حبيت. ولو مش هوه. فالاكيد. ان انا اتحبيت
سلامتكم. ربيع